12
ноябрь
2019
"Ұлтын сүйген ұлы тұлға"
С.Қожанов атындағы N55 жалпы орта мектебінде 30 қазан күні С.Қожановтың 125 жылдығына байланысты өткізілген "Ұлтын сүйген ұлы тұлға" атты Республикалық байқау "Бірлік" ауылдық мәдениет үйінде қорытынды салтанатты жиынға ұласты. Жиын барысында С.Қожанов өмірі жайында бейнеролик көрсетіліп, мектеп оқушыларының С.Қожановқа арнаған әдеби монтажы және әнші оқушылардың концерттік бағдарламасы көрермен назарына ұсынылды. Құрметті қонақтар қатарында тарих ғылымдарының докторы, профессор-Хазірет Тұрсын, әнші, сазгер, өнертану ғылымының доценті-Сауран Елеуов, Қызылорда облысының құрметті азаматы-Сексенәлі Раханов, "Алпамыс" қорының директор орынбасары-СыздықбекТұраров, "Ақсүмбе" мектеп директоры- Алмаханов Мейрам, АББ-нің әдіскері Айдарова Дариға және т.б іс-шараға қатысты. Әнші, сазгер С.Елеуовтың көрермендер назарына ұсынған әндерімен көпшілік ықыласына бөленді. Іс-шара барысында С.Қожанов атындағы N55 мектебінің ұжымы ұйымшылдық көрсетті және шараның жоғарғы деңгейде өтуіне "Бірлік" ауылдық мәдениет үйі қызметкерлері Н.Қыпшақбаева, Ж.Бисенбиев, М.Оспанов және ауыл кітапханашысы К.Сұлтанбаева өз үлестерін қосты. N55 С.Қожанов мектебінің директоры А.Е.Мырзалиева салтанатты жиын барысында "Алпамыс батыр" қорының арнайы "Сұлтанбек Қожанов" мерекелік медалімен марапатталды.
